Ինչու են մարդու ոսկրերը փխրուն. մարդաբաններ. 1in.am

Մարդու ոսկրերը թեթև և փխրուն են դարձել գյուղատնտեսության անցնելու պատճառով: Մինչ նեոլիթը՝ մեր նախնիների կմախքն ամրությամբ ոչնչով չի զիջել օրանգուտանի կմախքին:

Գիտնականներն իրականացրել են Իլինոյս նահանգում հնագետների կողմից պեղված ոսկրերի ռենտգենյան և տոմոգրաֆիայի հետազոտություններ: Մնացորդները պատկանել են Homo Sapiens-ի տարբեր խմբերի, որոնք ապրել են այդ տարածքում վերջին 7000 տարիներին: Խոսքը որսորդների և ուշ շրջանում երկրագործությամբ զբաղված մարդկանց մասին է՝ հայտնում է Lenta.ru-ն:

Գիտնականներին, մասնավորապես, հետաքրքրել է ազդոսկրի գլխիկի սպունգանման նյութը: Կոնքազդրային հոդի այդ տարրը մարդու մարմնում կրում է չափազանց մեծ ծանրաբեռնվածություն:

Նյութի խտությունն ընկել է նստակյաց ապրելակերպի անցնելու հետևանքով: Փխրունությունը պայմանավորված է նաև ժամանակակից մարդու սննդակարգի փոփոխություններով և աշխատանքային գործունեության՝ թեթև կմախքի համար առավել հարմարավետ ձևերով:

Հարցեր, պատասխաններ, մեկնաբանություններ